أحنا النهاردة سوا *** وبكره هنكون فين ؟؟؟

أحنا النهاردة سوا *** وبكره هنكون فين ؟؟؟



بعد اذنكم حابه نتتكلم فى موضوع يارب يعجبكم

والموضوع ده لما جه فبالى افتكرت أغنيه
"الدنيا ريشه فهوا طايره من غير جناحين واحنا النهاردة سوا وبكره هنكون فين فالدنيا فالدنيا"

فعلا لو انت النهارده بتتكلم مع اصحابك بكره تتشغل فى شغلك وحياتك ممكن تسافر وانتى ممكن لو النهارده بتدردشى وفاضيه دلوقتى بكره تتجوزى ويكون ليكى زوج واولاد واسره.

معنى كلامى اننا لازم نستغل ده ياترى ازاى؟
اقولكم يعنى الموضوع اللى حابه نتكلم فيه
(ايه اللى بيدايقك من نفسك؟؟؟)
" يعنى مش من الناس"
اصلك لو عرفت اللى بيدايقك من نفسك وصلحت علاقتك مع نفسك بالتالى هتصلح علاقتك مع الناس وهتعرف تتعامل معاهم لانك هتفهمهم وهيفهموك وعلى فكره اصعب حاجه فالدنيا انك تفهم الناس.

اسئلتى بقى
عمرك قعدت مع نفسك وعرفت ايه اللى بيدايقك من نفسك
عمرك كنت صريح مع نفسك بجد
طب عارف ايه اللى بيدايقك من نفسك ولا الناس بتقولك انت عيبك كذا...
طب عالجت الموضوع ولا مهمكش كلام الناس وقولت انا زى م انا مش هتغير
طب حابب تجاوب على اسئلتى وتكون صريح معايا منها تلاقى حد يسمعك ومنها تدخل غرفتك المظلمه وتفتش عن اسرارك وخباياها وطبعا لازم وجود شمعه تنير لك تلك الغرفه المظلمه التى لم يدخلها احد ولا حتى انت